پتھر کا سوپ

سبق کا خلاصہ

یہ ایک دلچسپ اور سبق آموز کہانی ہے جس میں ایک عقلمند بوڑھے مسافر کی حاضر دماغی اور ذہانت کو بیان کیا گیا ہے۔ ایک دن ایک بوڑھا شخص سفر کے دوران بارش اور سردی میں پھنس گیا۔ وہ بہت تھکا ہوا اور بھوکا تھا۔ راستے میں اسے ایک گھر نظر آیا جہاں اس نے پناہ اور کھانے کی امید سے دروازہ کھٹکھٹایا۔ گھر کے مالک، جسے کہانی میں "باورچی” کہا گیا ہے، نے اسے اندر تو آنے دیا لیکن کھانا دینے سے انکار کر دیا کیونکہ وہ اپنے کھانے کو کسی اجنبی کے ساتھ بانٹنا نہیں چاہتا تھا۔

بوڑھے نے اپنی عقل مندی سے کام لیتے ہوئے کہا کہ وہ پتھر کا سوپ بنا سکتا ہے۔ یہ سن کر باورچی حیران ہوا اور تجسس کے باعث سوپ بنانے کی اجازت دے دی۔ بوڑھے نے ایک برتن میں پانی ڈال کر اس میں ایک صاف پتھر ڈال دیا اور اسے پکانے لگا۔ تھوڑی دیر بعد اس نے کہا کہ اگر اس میں تھوڑا سا نمک شامل ہو جائے تو سوپ مزید لذیذ ہو جائے گا۔ باورچی نمک لے آیا۔ پھر بوڑھے نے کہا کہ کچھ پیاز، گاجر اور دوسری سبزیاں بھی شامل کر دی جائیں تو سوپ اور مزیدار بن جائے گا۔ باورچی ایک ایک کر کے تمام چیزیں لاتا گیا اور بوڑھا انہیں سوپ میں ڈالتا گیا۔

آخر میں بوڑھے نے کہا کہ اگر تھوڑا سا گوشت بھی شامل کر دیا جائے تو سوپ بہترین بن جائے گا۔ باورچی نے گوشت بھی ڈال دیا۔ جب سوپ تیار ہوا تو اس کی خوشبو پورے گھر میں پھیل گئی۔ دونوں نے مل کر سوپ پیا اور اس کے ذائقے کی تعریف کی۔ تب باورچی کو معلوم ہوا کہ اصل میں سوپ پتھر سے نہیں بلکہ ان تمام اجزاء سے تیار ہوا تھا جو اس نے خود فراہم کیے تھے۔

اس موقع پر بوڑھے نے باورچی کو سمجھایا کہ اگر وہ شروع ہی میں مہمان کی مدد کر دیتا تو اسے یہ سارا جھنجھٹ نہ اٹھانا پڑتا۔ باورچی کو اپنی غلطی کا احساس ہوا اور اس نے بوڑھے کا شکریہ ادا کیا۔

یہ کہانی ہمیں سکھاتی ہے کہ عقل، حاضر دماغی اور نرمی سے مشکل حالات پر قابو پایا جا سکتا ہے۔ ساتھ ہی یہ سبق بھی ملتا ہے کہ دوسروں کی مدد کرنی چاہیے اور بخیلی یا خود غرضی سے بچنا چاہیے، کیونکہ تعاون اور مہمان نوازی انسان کو عزت اور خوشی عطا کرتی ہے۔

سوچیے اور بتائیے

1۔بوڑھا کہاں رہتا تھا؟
جواب: بوڑھا آئرلینڈ میں رہتا تھا۔

2۔بوڑھے کو سفر کے دوران کیا مصیبت پیش آئی؟
جواب:سفر کے دوران بوڑھے کا کھانا ختم ہوگیا اور بوڑھے کو بھوک لگی تھی بارشبھی شروع ہوگی اور رات کی تاریکیِ بھی چھا گئی۔

3-بوڑھے نے باورچی سے کیا درخواست کی؟
جواب: بوڑھے نے درخواست کی کے وہ بہت بھوکا ہے اسے تھوڑا کھانا کھلا دے۔
4.بوڑھے کو اپنی بھوک مٹانے کے لیے کیا ترکیب سوجھی؟
جواب: بوڑھے نے اپنی بھوک مٹانے کے لیے اس شخص کو پتھر کا سوپ بناکر بے وقوف بنانے کی ترکیب سوجھی۔

5. بوڑھے نے پتھر کا سوپ کس طرح تیار کیا؟
جواب: بوڑھے نے ایک ہانڈی میں پانی گرم کیا اور اپنی جیب سے صاف ستھرے پتھر نکال کر اس میں ڈال دیے۔پھر باورچی سے نمک مانگا۔جتنی دیر میں باورچی نمک لانے گیا بوڑھے نے میز پر رکھی سبزی ترکاری ہانڈی میں ڈال دی۔پھر اس نے پیاز ،لہسن اور مرچ بھی ڈال دی۔ پھر اس نے کہا کہ اب اس کو صرف چلانے کی ضرورت ہے۔ پھر بوڑھے نے سامنے رکھے گوشت سے ایک بڑی ہڈی مانگی اور اس سے ہانڈی میں چلانے لگا۔اس ہڈی کے کنارے پر بہت سارا گوشت لگا ہوا تھا۔ وہ سوپ کو چلانے لگا ۔اب سوپ سے بڑی اچھی خوشبو نکلنے لگی تھی۔ باورچی غور سے دیکھ رہا تھا ۔پھر اس نے سوپ میں تھوڑا آٹا بھی ڈال دیا۔ پھر اس میں تھوڑی کمی کی بات کہ کر سوپ میں تھوڑا مکھن اور دودھ بھی ڈال دیا اور اس میں مرغی کا گوشت بھی ڈال دیا۔اور اس طرح پتھر کا سوپ تیار ہوگیا۔

6. باورچی کس بات سے حیرت میں پڑگیا؟
جواب: جب بوڑھے نے ہانڈی میں سے پتھر نکالا اور اسے دھو کر کہا کہ دیکھو یہ جیوں کا تیوں ہے۔باورچی یہ دیکھ کر حیرت میں پڑگیا۔

7. باورچی نے خوش ہوکر بوڑھے کو کیا دیا؟
جواب: باورچی نے خوش ہوکر بوڑھے کو ایک پونڈ دیا۔

8. بوڑھے نے یہ کیوں کہا کہ عقل بڑی ہوتی ہے یا بھینس؟
جواب: اس لیے کہ باورچی بوڑھے کی باتوں میں آگیا تھا اور وہ اس کی ترکیب کو حقیقت سمجھ کر اس پر عمل کرنے کی سوچ رہا تھا۔

نیچے لکھے لفظوں کو جملوں میں استعمال کیجیے

شاندار	کل دعوت میں ایک شاندار سماں تھا۔
خوشامد	سارے نوکر بادشاہ کی خوشامد کرنے لگے۔
ترکیب	بوڑھے آدمی کو ایک شاندار ترکیب سوجھی ۔
سوپ	ہمیں بیماری کے وقت سبزیوں کا سوپ پینا چاہئے
مزہ	سوپ کا مزہ اچھا تھا۔
حیرت	اسے دیکھ کر وہ حیرت میں پڑ گیا۔

ان لفظوں کے متضاد لکھے

گرمی	سردی
عقلمند	بیوقوف
خوشبو	بدبو
آدھا	پورا
صبر	بے صبر